NEP 2020-ni bidingo State Level Seminar-ko Shillong-o ong•ata

Shillong, Oct 9: National Education Policy (NEP) 2020-ko jakkalanio chagrongna nangenggipa dingtang dingtang neng•nikani bidingo chanchirimna gita Sukrobar salo, Directorate of Educational Research & Training (DERT), State Level Seminar-ko Shillong-o ong•atangaha aro ia seminar-o, Meghalaya a•dokni Education Minister Lahkmen Rymbui, mongsonggipa sokgipa ong•e bak ra•angaha.

Ia seminar-ko ong•atanio Education Minister, jinmana aganprakangengon, Meghalaya a•doko dingtang dingtang ku•sikrang dongani aro skigiparang chu•onggijanian NEP 2020-ko ja•rikanio mongsonggipa neng•nikanirang ong•a ine talataniko on•angaha.

Iandakgipa neng•nikanirangko namatna gita dingtang dingtang cholrangko sandina nangenga ine janapatengon, NEP 2020-ko ja•rikanio skulni obostarang aro skulko chalaiani cholrangkoba nina nanga ine Rymbui aganaha.

Meghalaya a•dokara dingtang dingtng ku•sikrangko jakkalgipa a•doksa ong•a aro skulrangko, dingtang dingtang ge•etanirango pangchakesa chalaia ineba ua aganaha.

Ia ku•sikrangko skina gita skigiparangko man•aniba biapni kri dingtanggrikaia ineba Education Minister aganaha.

A•dokni skulrango NEP 2020-ko ja•rikanio, skigiparang chu•ongjani gimin, private coaching-rango pangchakbatani gimin aro bang•bata skulrangon computer aro internet-rangko jakkaljani giminba neng•nikanirangko chagrongna nanga ine Rymbui aganaha.

Technology-chi nambate skie ra•na man•na gita skigiparang aro skulrang, technology-ko jakkalani bidingo nambate talate on•aniko nangenga ineba ua aganaha.

Ia seminar-ko ong•atanio, Education Department-ni Commissioner & Secretary Vijay Kumar Mantri-ba dongpae aganprakengon, NEP 2020-ko ja•rikanio baditana kingking a•doko chu•sokna man•enga, uarangni gimin agan-talatanirangko on•angaha.

Na·simang iakoba nina man·gen:

Na·simang iakoba poraina man·gen: Shillong-o Reverse Buyer-Seller Meet 2.0-ko ong•ata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Powered by शिक्षा खबर Skillogy